"ტყუილი დიდი სათაურების შექმნაში ეხმარება", - პოგბა სოლსკიაერთან კონფლიქტზე გაჩენილ ინფორმაციას გამოეხმაურა

„მანჩესტერ იუნაიტედის“ ნახევარმცველი, პოლ პოგბა, გამოეხმაურა ინფორმაციას, თითქოს მას გუნდის მთავარ მწვრთნელ ოლე გუნარ სოლსკიაერთან კონფლიქტი აქვს.

ამის შესახებ საუბრები „ლივერპულთან“ 0:5 განადგურების შემდეგ გააქტიურდა. ამ მატჩში პოგბა თადარიგში დარჩა, მოედანზე გასვლის შემდეგ კი წითელი ბარათი მიიღო და „იუნაიტედი“ 10 კაცით დატოვა.

„ტყუილი დიდი სათაურების შექმნაში ეხმარება.“ - წერს პოგბა ინსტაგრამზე და პოსტს დაურთო სურათი, რომელზეც დიდი ასობით „ფეიქ ნიუსი“ აწერია.
გამოცემა The Sun-ი „ლივერპულთან“ მატჩის შემდეგ წერდა, რომ „ოლდ ტრაფორდზე“ მიღებული წითელი ბარათის გამო პოგბამ თანაგუნდელებს მოუბოდიშა, სოლსკიაერზე კი ცუდ კონტექსტში ილაპარაკა.