ნამდვილი ლიდერი - რას ეუბნებოდა რონალდუ მოთამაშეებს მეორე გოლის შემდეგ

"მანჩესტერ იუნაიტედმა" პრემიერ ლიგაში წლის პირველი გამარჯვება "ბრენტფორდის" წინააღმდეგ, სტუმრად მოიპოვა.

რალფ რანგნიკის ბიჭებმა მეორე ტაიმში გაილაღეს და შესანიშნავი პერფორმანსიც შემოგვთავაზეს, რისი დამსახურებითაც 3 გოლი გაიტანეს.

მეორე გოლი განსაკუთრებით ლამაზი გამოდგა. სკოტ მაკტომინეის წამოწყებული კონტრშეტევა კრიშტიანუ რონალდუმ მკერდით გააგრძელა, შემდეგ კი ბრუნო ფერნანდეშმა მეისონ გრინვუდს ცარიელ კარში გაატანინა - ვიდეო.

როგორ გაირკვა, მეორე გოლის აღნიშვნის დროს რონალდუ თანაგუნდელებს 1 ფრაზას უმეორებდა - "ფოკუსირდით მატჩზე, რამდენიმე წუთი დარჩა დასრულებამდე."

ამ სიტყვების მთავარი მიზეზი კი პრემიერ ლიგის წინა ტურის მატჩია, სადაც "იუნაიტედი" ასევე იგებდა 2-ბურთიანი სხვაობით, თუმცა იქ "ასტონ ვილამ" ანგარიში მაინც გაათანაბრა.