სიტიმ ბრიუგე გაანადგურა - 19 წლის პალმერის პირველი გოლი ლიგაზე

ჩემპიონთა ლიგის ჯგუფური ეტაპის პირველი წრის ბოლო ტურის მატჩები A და C ჯგუფში გაიმართა. ხოსეპ გვარდიოლას მანჩესტერ სიტი ბელგიაში ბრიუგეს ესტუმრა და დიდი ანგარიშით, 5:1 გაანადგრუა.

რიად მაჰრეზემა დუბლი შეასრულა, ხოლო სიტის რიგებში პირველი გოლი გაიტანა ჩემპიონთა ლიგაზე 19 წლის კოულ პალმერმა, რომელიც დე ბრუინის ნაცვლად გავიდა მოედანზე.

სტამბოლში ბეშიქთაშმა ლისაბონის სპორტინგს უმასპინძლა და 1:4 დამარცხდა. პორტუგალიელები ურუგვაელმა მცველმა სებასტიან კოატესმა თავურით მე-15 წუთზე დააწინაურა. მას მერე, რაც ლარინმა თავურით გაათანაბრა, კოატესმა დუბლი შეასრულა (ასევე თავურით). ტაიმის მიწურულს პორტუგალიელთა მესამე გოლი პენალტით პაბლო სარაბიამ გაიტანა. ტაიმში კიდევ ერთი გოლი გავიდა, მაგრამ მასპინძელ ტეიშეირას გოლი VAR-მა გაუუქმა. მეორე ტაიმის მიწურულს პაულინიომაც გაიტანა და ამ შეხვედრაშიც დიდი ანგარიში დაფიქსირდა - 1:4. ამავე ჯგუფში აიაქსი დორტმუნდის ბორუსიას მასპინძლობს. 3 ტურის შემდეგ სპორტინგს 3 ქულა აქვს, ხოლო ბეშიქთაში უქულოდაა.