ისევ ერთად? ზიდანმა პსჟ-ში რონალდოს ტრანსფერი მოითხოვა
ზინედინ ზიდანი და კრიშტიანო რონალდო ისევ ერთად? ბრიტანულ გამოცემა "დეილი მირორს" თუ დავუჯერებთ, ეს შესაძლებელია, რადგან ფრანგმა მწვრთნელმა პარი სენ-ჟერმენში მისი ტრანსფერი მოითხოვა.
წყაროს თანახმად, დამდეგ ზაფხულს ზიდანის მთავარ მწვრთნელად დანიშვნა პსჟ-ში თითქმის გადაწყვეტილია და 49 წლის ფრანგმა კლუბის ხელმძღვანელობასთან შეხვედრაც გამართა, რომელზეც მან რონალდოს ტრანსფერი ისურვა. ამგვარად, შესაძლებელია, პორტუგალიელი სუპერვარსკვლავი პარიზელებს შეუერთდეს. აღსანიშნავია, რომ კრიშტიანოს ადრეც უკავშირებდნენ პსჟ-ს, მაგრამ მაშინ ტრანსფერი არ შედგა.
შეგახსენებთ, რომ ზინედინ ზიდანს სამწვრთნელო კარიერაში მადრიდის რეალის გარდა, სხვა კლუბში არასდროს უმუშავია. სამაგიეროდ, ესპანურ გრანდში ნამდვილი ფურორი მოახდინა და სხვა ტიტულებთან ერთად ზედიზედ 3-ჯერ ჩემპიონთა ლიგა მოიგო.
ისე, წარმოვიდგინოთ როგორი იქნება ასეთი შემტევი ტრიო - ნეიმარი, ლიონელ მესი და კრიშტიანო რონალდო...
მსგავსი სტატიები:
კომენტარები: