რაიოლა: "მოლაპარაკებების პროცესში წინსვლა არ შეინიშნება"

როგორც მოგეხსენებათ, "მანჩესტერ იუნაიტედის" ნახევარმცველის, პოლ პოგბას დამატება "სამეფო კლუბს" სურს.

"წითელი ეშმაკების" მოთამაშის მომავალი ბუნდოვანი რჩება. ამაზე მეტყველებს ფრანგი ფლეიმეიქერის აგენტის, მინო რაიოლას კომენტარიც:

"პოგბას მომავალი? არ ვიცი, მანჩესტერს ჰკითხეთ. მოლაპარაკებების პროცესში არ შეინიშნება წინსვლა, არაფერი ახალი" - განაცხადა რაიოლამ.

შეგახსენებთ, რომ "წითელი ეშმაკების" ფეხბურთელის ამჟამინდელი კონტრაქტი გათვლილია 2022 წლის ზაფხულამდე, რაც ნიშნავს იმას, რომ 2022 წლის 1 იანვრიდან მას სხვა კლუბებთან მოლაპარაკებების გამართვა შეეძლება.

"მანჩესტერის" ექვსიანის სახელს მადრიდის "რეალთან" ერთად უკავშირებენ, "ბარსელონას", ტურინის "იუვენტუსსა" და "პარი სენ-ჟერმენს". თავად 28-წლის შუახაზელს "იუნაიტედში" დარჩენის იდეა აღარ ხიბლავს.