გამარჯვების ზეიმის დროს ვიტესის ფანების ტრიბუნა ჩამოინგრა
ნიდერლანდების ერედივიზიონის მე-9 ტურში ნაიმეგენისა და ვიტესის მატჩის დასრულების შემდეგ სტუმართა ფანების ტრიბუნა ჩამოინგრა.
შეხვედრა არნემელებმა 1:0 მოიგეს და ფეხბურთელებმა გულშემატკივრებთან ერთად გამარჯვებას ზეიმობდნენ, როდესაც De Goffert-ის სტადიონის ტრიბუნის ერთ-ერთი ნაწილი ჩამოიშალა. საინტერესოა, რომ მიუხედავად ამისა, ფანებმა ზეიმი გააგრძელეს. საბედნიეროდ, ინციდენტის შედეგად არავინ დაშავებულა.
De Goffert-ის სტადიონი 1939 წლის 8 ივლისს გაიხსნა და 12 500 მაყურებელს იტევდა. არენას რეკონსტრუქცია 90-იანი წლების ბოლოს ჩაუტარდა და 2000 წლის 25 იანვარს ხელმეორედ გაიხსნა.
მსგავსი სტატიები:
კომენტარები: