ᲪᲜᲝᲑᲘᲚᲘᲐ ᲡᲐᲓ ᲡᲣᲠᲡ ᲠᲣᲓᲘᲒᲔᲠᲡ ᲒᲐᲓᲐᲑᲐᲠᲒᲔᲑᲐ - ᲒᲔᲠᲛᲐᲜᲔᲚᲘᲡᲗᲕᲘᲡ ᲝᲠᲘ ᲒᲠᲐᲜᲓᲘ ᲘᲑᲠᲫᲕᲘᲡ

გავლენიანი გამოცემის, Marca-ს ცნობით, "ჩელსის" ცენტრალურმა მცველმა, ანტონიო რუდიგერმა ზაფხულში შესაძლოა ლონდონური კლუბი დატოვოს.
როგორც აღინიშნება, გერმანელი, ინგლისურ გრანდთან კონტრაქტის გახანგრძლივებას არ აპირებს, რომლის ვადაც 2022 წელს იწურება. სწორედ ამიტომ, ფეხბურთელის აგენტმა მისთვის ახალი გუნდის ძიება დაიწყო.
გავრცელებული ინფორმაციით, რუდიგერისადმი ინტერესს მიუნხენის "ბაიერნი" იჩენს, თუმცა თავად უკანახაზელს მადრიდის "რეალში" გადასვლა სურს.
მიმდინარე სეზონში რუდიგერმა ინგლისის ჩემპიონატში "ჩელსის" მაისურით 6 მატჩში მიიღო მონაწილეობა და ერთი გოლი გაიტანა.