რობერტ ლევანდოვსკიმ ჩემპიონთა ლიგის მოგების ფავორიტები დაასახელა
მიუნხენის "ბაიერნის" პოლონელმა გოლეადორმა, რობერტ ლევანდოვსკიმ Sport Bild-ს ინტერვიუ მისცა, სადაც საინტერესო კითხვებს გასცა პასუხი.
უპირველეს ყოვლისა, ვახსენოთ ის, რომ რობერტმა ჩემპიონთა ლიგის ფავორიტი გუნდები დაასახელა:
"ჩემი აზრით, ფავორიტები "ლივერპული", "მანჩესტერ სიტი", "პსჟ", "რეალ მადრიდი", "ჩელსი" და ჩვენ ვართ. ფლეიოფის პირველი მატჩი თებერვლის შუა რიცხვებშია. იქამდე ბევრი რამ შეიცვალოს, მაგრამ ახლა, მე თუ მკითხავთ, ეს 6 გუნდი ლიდერობს."
გარდა ამისა, ლევანდოვსკის ჟურნალისტმა თავისი ოცნების გოლის შესახებაც ჰკითხა:
"სად ვისურვებდი გოლის გატანას? ჩემპიონთა ლიგის ფინალში. ასევე პოლონეთის მაისურით მსოფლიო ჩემპიონატის ფლეიოფის ეტაპის მატჩის გადამწყვეტ მომენტში. ამაზე ვოცნებობ."
შეგახსენებთ, რომ ჩემპიონთა ლიგა ლევანდოვსკის კარიერაში ერთხელ, 2019/2020 წლების სეზონში აქვს მოგებული.
მსგავსი სტატიები:
კომენტარები: