უცნაური ფაქტი: წაგების მიუხედავად, ამ ჩემპიონთა ლიგაზე პსჟ-მ ბაიერნზე დიდი თანხა გამოიმუშავა

„პსჟ“ ევროპის საუკეთესო გუნდი ვერ გახდა, მაგრამ ფინანსურად ყველაზე დიდი სარგებელი ნახა.

ფრანგულმა გუნდმა, ჩემპიონთა ლიგის ფინალში ისტორიაში პირველად ითამაშა და მიუნხენის „ბაიერნთან“, 1:0 დამარცხდა. გუნდის ექს-შემტევმა, კინგსლი კომანმა, 59-ე წუთზე გადამწყვეტი გოლი გაუტანა და გერმანულ გუნდს თასი მეექვსედ მოაგებინა.

მიუხედავად ამისა, შვეიცარიული Ramble-ს ინფორმაციით, პარიზული გრანდი ამ ჩემპიონთა ლიგიდან ყველაზე დიდ თანხას გამოიმუშვებს. კერძოდ, „პსჟ-ს“ შემოსავალი 119.7 მილიონი ფუნტი იქნება, „ბაიერნი“ კი 117.3 მილიონს გამოიმუშავებს.

მესამე ადგილზე მეოთხედფინალისტი „ბარსელონა“ გადის, 104 მილიონი ფუნტ სტერლინგით, მეოთხეზე კი „მანჩესტერ სიტი“ – 89.4 მილიონი ფუნტ სტერლინგი.

„პსჟ-ს“ შემოსავალი „ბაიერნისას“ იმიტომ აღემატება, რომ სხვადასხვა ქვეყნებში, ტელე-ტრანსლაციების გაყიდვის შემოსავალი განსხვავებულია. სწორედ ამან განაპირობა გუნდებს შორის არსებული სხვაობა.

ტელე-ტრანსლაციები რომ გამოვაკლოთ, უშუალოდ ტურნირის მოგებისთვის „ბაიერნი“ 62.3 მილიონი ფუნტით გამდიდრდება, „პსჟ“ კი - 56.9.

ევროპის ტოპ-5 ჩემპიონატების გუნდების მიერ გამომუშავებული თანხები ამ ჩემპიონთა ლიგაზე: